අද සහ ඊයේ දිනයේ ඇති තද වැසි හේතුවෙන් ජල පෝෂක ප‍්‍රදේශයන්ට සැළකිය යුතු වර්ෂාපතනයක් ලැබුණු බව කාළගුණවිද්‍යා දෙපාර්තමේන්තුව පවසනවා. අද උදෑසන 8 න් අවසන් වූ ගත වු පැය 24 පුරා මිලිමීටර 70 ක පමණ වර්ෂාවක් ලැබී තිබෙනවා. දැඩි වියළි කාලගුණ තත්ත්වයක් පැවති අනුරාධපුර, පොළොන්නරුව ආශ‍්‍රිත ප‍්‍රදේශයන්ට ද තද වැසි ලැබී ඇති අතර වැඩිම වර්ෂාපතනය වාර්තා වුයේද පොළොන්නරුවෙනි.

අද හා ඊයේ රාත‍්‍රියේ ඇති වු වැසි සහිත සුළං හේතුවෙන් මඩකලපුවේ නිවාස 20 ක් පමණ විනාශ වී ඇති බව වාර්තා වනවා.

මේ දිනවල පවතින දැඩි නියඟය නිමා කරමින් අද දින විනාඩි 45 ක පමණ වර්ෂාවක් ඇද හැලූණු බව අම්පාර ජනතාව පවසනවා.